- சகோதர சிநேகத்தில் நிலைத்திராதபோது குத்தாத மனசாட்சி சர்ச்சுக்குப் போகாவிட்டால் குத்துகிறதா?
- பிரசங்கங்களுக்கு கீழ்ப்படியாதபோது குத்தாத மனசாட்சி பிரசங்கம் கேட்காவிட்டால் குத்துகிறதா?
- வேதகட்டளைகளை மீறும்போது குத்தாத மனசாட்சி வேதபுத்தகத்தை வாசிக்காவிட்டால் குத்துகிறதா?
- சாதி, சபை பாகுபாட்டுக்கு குத்தாத மனசாட்சி திருவிருந்தில் பங்குபெறாவிட்டால் குத்துகிறதா?
- ஆவியானவரை துக்கப்படுத்தும்போது குத்தாத மனசாட்சி பாஸ்டரை துக்கப்படுத்தினால் குத்துகிறதா?
- தரித்திரரை புறக்கணிக்கும்போது குத்தாத மனசாட்சி தசமபாகம் கொடாவிட்டால் குத்துகிறதா?
ம்ம்ம்..அப்படியானால் அந்த மனசாட்சி ”வேறொரு சேனலுக்கு” டியூன் செய்யப்பட்டிருக்கிறது….
அந்த பிரபல சேனலுக்குப் பெயர் “(கிறிஸ்தவ) மதம்”
- உலகின் அதிகபட்ச நேயர்களைக் கொண்டுள்ள பணக்கார சேனலான இதில் பரிசேயரும், பிசாசும் பங்குதாரர்கள்
- இதன் நிகழ்ச்சிகளில் இயேசுகிறிஸ்து போல வேடமிட்டு நடிப்பது அந்திகிறிஸ்து.
- இந்தச் சேனலில் ஆடலுக்கும், பாடலுக்கும், பரவசத்துக்கும், பொழுதுபோக்குக்கும், செண்டிமெண்டுக்கும் பஞ்சமேயில்லை.
- இதில் ஒவ்வொரு ஞாயிறன்றும், பண்டிகை நாட்களிலும் சிறப்பு நிகழ்ச்சிகள் உண்டு. பெண்கள் சிறப்பு நிகழ்ச்சி, யூத் ஸ்பெஷல், குழந்தைகள் நிகழ்ச்சி எல்லாம் உண்டு!
- இதன் நேயர்களுக்கும், பங்காளர்களுக்கும் கடைசி நாளில் தங்கள் “ஜீவனை” அபராதமாக செலுத்தப்போவது உறுதி!
அபராதத்துக்குத் தப்ப உடனே சேனலை மாற்றுங்கள்…
வெகுசில நேயர்களையே கொண்டுள்ள ”இயேசு” என்ற பிரபலமில்லாத சேனலுக்கு!
//இதன் நேயர்களுக்கும், பங்காளர்களுக்கும் கடைசி நாளில் தங்கள் “ஜீவனை” அபராதமாக செலுத்தப்போவது உறுதி!//
நன்றாகச்சொன்னீர்கள் பிரதர்.
இலங்கை துயரத்தையும் இக்கால சபை மக்கள் உணர்வில்லா தன்மையையும் நன்றாய் சுட்டிகாட்டி உள்ளீர்கள் .நல் முயற்சிக்கு என் நன்றி சகோதரரே !